Жээнбеков: 9-май - элдин сыймыгы жана көз жаш менен келген кубанычы

Жээнбеков: 9-май - элдин сыймыгы жана көз жаш менен келген кубанычы
9-Май 2019, Бейшемби, 12:56

Президент Сооронбай Жээнбеков Жеңиш аянтында өткөн Улуу Ата Мекендик согуштагы Жеңиштин 74 жылдыгына арналган эскерүү митингине катышты.

Мамлекет башчы өзүнүн куттуктоосунда бүгүн — совет жоокеринин рухунун бекемдигин, чыныгы патриоттуулукту жана элдердин биримдигин даӊазалаган улуу майрам экендигин белгиледи.

9-май — элдин сыймыгы жана көз жаш менен келген кубанычы.Өткөн согуштун алааматы тарыхтын энчисине өтүп, ошол жылдарда калды. Ал эми аталарыбыздын чыныгы эрдиги, нукура каармандыгы биздин жүрөгүбүздө жашап келет жана сезимибизде түбөлүк сакталат.Аталардын эрдиги менен сыймыктануу, алардын элесине таазим этип, урмат көрсөтүү — муундан муунга өтөт, урпактарга жетет. Жеңиш күнүн белгилөө менен биз чындык менен акыйкаттык дайыма кыянаттыктан күчтүү болоорун даӊазалайбыз.Жеңиш күнү — 21-кылымда согушту эӊсегендерге, бир улуттун же расанын башкалардан өйдө болушун көздөгөндөргө эскертүү болуп саналат

Президент «Өлбөс полк» жүрүшүнө өзүнүн чоң атасы Жээнбек Пирназаровдун сүрөтүн көтөрүп чыгып “Өлбөс полк” жүрүшүнө да катышты.

1941-1945-жылдардагы Ата-мекендик согушта 360 миңден ашуун кыргызстандык катышып,.160 миңден ашуун жоокер курман болгон. Кандуу согуш 1418 күнгө созулган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!