Жээнбеков Балыкчынын “Коопсуз шаар” долбоорлору менен таанышты

Жээнбеков Балыкчынын “Коопсуз шаар” долбоорлору менен таанышты
18-Май 2019, Ишемби, 11:17

Президент Сооронбай Жээнбеков Ысык-Көл облусуна иш сапарынын алкагында кечээ, 17-майда Балыкчы шаарында «Акылдуу шаар» жана «Коопсуз шаар» долбоорлору менен таанышты.

Президенттик аппараттан кабарлашкандай, Балыкчы шаарынын мурдагы мэри, учурда Мамлекеттик каттоо кызматынын башчысы Алмаз Мамбетов аталган долбоорлор боюнча презентация жасады.

Анын маалыматына ылайык, «Аймактарды өнүктүрүү жана өлкөнү санариптештирүү жылынын» алкагында Балыкчыда айрым кызматтарды санариптештирүү боюнча иштер башталды.

Бул иш-чаралардын алкагында 2018-жылы башталган муниципалдык мүлктү инвентаризациялоо боюнча иштердин аягына чыгып, Географиялык маалыматтык системасынын негизинде Маалыматтык автоматикалык системасын түзүү жана муниципалдык менчикти инвентаризациялоо боюнча иштердин комплекси ишке кирүүдө.

Программаны ишке ашырууга 3375,0 миң сом сарпталган. Акча каражатынын 1580,0 миң сому Ысык-Көлдү өнүктүрүү Фондунан, калган акча каражаты жергиликтүү бюджеттен каралган.

Электрондук реестр, шаардын электрондук картасы түзүлүп, Муниципалдык мүлк боюнча электрондук платформа иштей баштайт.

2019-жылга карата Санариптештирүү боюнча иш-чараларга 10 млн сом каралды. Каржылоо булагы — Ысык-Көлдү өнүктүрүү Фонду.

«Акылдуу поликлиника» долбоору ишке ашат. Шаардык бейтапканада «Электрондук кезек» системасы киргизилет жана электрондук кезекке тиешелүү терминалдар бейтапканада орнотулат.

2019-2020 окуу жылынан тартып шаардын мектептеринде электрондук күндөлүк системасы киргизилет жана окуучунун социалдык паспорту түзүлөт.

Шаардык бейтапканада жана ооруканада электрондук амбулатордук карта системасы киргизилет.

Электрондук муниципалитет долбоорунун алкагында Балыкчы шаарынын мэриясына келип түшкөн арыздарды, иш кагаздарды электрондоштуруу планга киргизилет.

Аталган багыттар боюнча тиешелүү техникалык тапшырыктар түзүлүп, жакында тендер жарыяланып, иштер аткарыла баштайт.


Ал эми «Коопсуз шаар» долбоорунун алкагында шаарга эки типтеги видеокамералар коюлду. Биринчиси — аппаратттык-программалык комплекстин негизинде айып пулдарды салуу боюнча камералар жана экинчиси — жол эрежесин бузууларды каттаган камералар.

Мындан тышкары, коомдук коопсуздуктун максатында шаарга 38 чакырым опто-волокондук кабель орнотулуп, 84 видеокөзөмөл камералары коюлду. Алар чоң жолдордун кесилишинде жайгашып, Балыкчы шаардык милиция бөлүмүндөгү абалды анализдөөчү борборго онлайн түрүндө видеону көрсөтүп турат. Видеокөзөмөл аркылуу бүгүнкү күндө 19 кылмыш иши ачылды.

Санариптештирүү боюнча долбоорлорду ишке ашыруу — учурдун негизги талабы экендигин айтып, Президент Сооронбай Жээнбеков санариптештирүү боюнча ушул жана башка долбоорлорду бардык региондорго жайылтуу зарылдыгын белгиледи.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР
Борончу Кудайбергенов  МАИ кызматкерлерине кайрылуу жасады
Борончу Кудайбергенов МАИ кызматкерлерине кайрылуу жасады
Эмил Эсеналиевдин жубайы көз жарды
Эмил Эсеналиевдин жубайы көз жарды
Жергиликтүү өзүн өзү башкаруу органдары үчүн антикоррупциялык пландар иштелип чыгат
Жергиликтүү өзүн өзү башкаруу органдары үчүн антикоррупциялык пландар иштелип чыгат
25-августка карата аба ырайы тууралуу маалымат
25-августка карата аба ырайы тууралуу маалымат
Бишкекте Москва күндөрү аталышындагы иш-чара өтөт
Бишкекте Москва күндөрү аталышындагы иш-чара өтөт
​Дүйнөдөгү боюу узун футболчулар
​Дүйнөдөгү боюу узун футболчулар
Таласта өтчү Көчмөндөр оюндарына ыктыярчылар керек
Таласта өтчү Көчмөндөр оюндарына ыктыярчылар керек
Макгрегор: Хабиб менен реваншка чыгып, чемпиондук наамды кайтаргым келет
Макгрегор: Хабиб менен реваншка чыгып, чемпиондук наамды кайтаргым келет
 ИИМ: Богатырев жана Турдукулов күбө катары сурак берип чыгышты
ИИМ: Богатырев жана Турдукулов күбө катары сурак берип чыгышты
«Salam» брендинин SIM-карталары сатыла баштады
«Salam» брендинин SIM-карталары сатыла баштады
Нидерланды менен Германия “климат” алкагында бирге иштешет
Нидерланды менен Германия “климат” алкагында бирге иштешет
Жээнбеков: Энерготармак токтоосуз реформаларга муктаж
Жээнбеков: Энерготармак токтоосуз реформаларга муктаж
Ретро стилиндеги электрокар ушул күздө көрсөтүлөт
Ретро стилиндеги электрокар ушул күздө көрсөтүлөт
Кытайлык жаран мээсиндеги курт менен 30 жыл жашаган
Кытайлык жаран мээсиндеги курт менен 30 жыл жашаган
Барак Обама 15 миллион долларга үй алат
Барак Обама 15 миллион долларга үй алат
Ыктытканды кантип токтотсо болот?
Ыктытканды кантип токтотсо болот?