ИИМ: Министрликте үй-бүлөлүк башкаруу деген түшүнүк жок

ИИМ: Министрликте үй-бүлөлүк башкаруу деген түшүнүк жок
24-Май 2019, Жума, 13:15

Эгерде коомдо ар кандай деңгээлде үй-бүлөлүк башкаруу тууралуу сөз болуп жаткан болсо, анда анын Ички иштер министрлигине эч кандай тиешеси жок. Бул тууралуу бүгүн, 24-майда аталган министрликтин басма сөз кызматы таркаткан маалыматта айтылат.

Маалыматка ылайык, мындай билдирүү “Азия news” гезитинен чыккан маалыматтан улам айтылды.

Аталган макалада көрсөтүлгөндөрдүн ар бирине токтоло кетели:

Бишкек ШИИББнын Октябрь РИИБүнүн орун басары А.Бекназаровдун атасы министрдин досу деди. Анын атасы менен министрдин эч кандай достугу жок. Октябрь РИИБүнүн орун басары кечээ көктөн түшө калган жок. Ал 2005-2010- жылдары Россиянын Санкт-Питербург шаарындагы ИИМ Академиясын бүтүрүп келгенден кийин Октябрь РИИБүндө кылмыш иликтөө кызматында ишмердүүлүгүн баштаган. Кылмыш иликтөө кызматынын катардагы ыкчам өкүлүнөн баштап кылмыш иликтөө кызматынын жетекчилигине чейин кылган кызматына жараша өсүп жетилди. Бишкек ШИИББнын жетекчилигинин сунушу менен ал Октябрь РИИБүнүн орун басары болуп 2018-жылы дайындалган. Бул жерде кызматтык жетишкендиктиги, ошо райондогу ыкчам абалды мыкты билгендиги жана кесипкөйлүгү эске алынгандыгын белгилейбиз.

Ал эми ИИМдин Криминалдык милиция кызматынын бөлүм башчысы Жыргал Шабралиевди министрдин бажасы деген да жалган кеп. Ал министрдин кайын атасынын инисинин кызынын күйөөсү экендигин жана министр менен Ж.Шабралиевдин ортосунда эч кандай туугандык карым-катнаш байланыш болбогондугун дагы белгилейбиз.

Эми Жыргал Шабралиевдин өзү тууралуу. Ал деген милицияга өз өмүрүн 1993-жылдан баштап арнаган. Ал Бишкек шаардык милициясынын катардагы кайгуул күзөт кызматында, кийин кылмыш иликтөө кызматында ондогон жылдар убакытта иштеп жүрүп, 2010—жылы эле ИИМдин кылмыш иликтөө кызматынын бөлүм башчылыгына дайындалган. Кийин бир жылдай Бишкек ШИИББнын Ленин РИИБүндө, андан соң Биринчи Май РИИБүндө начальниктин орун басары болуп иштеп турганда кызматынан мыйзамсыз айдалган. Бирок ал эки айдын ичинде сотко кайрылып, анын жыйынтыгында соттун чечими менен кайра ИИМге мурдагы кызмат ордуна дайындалган болчу. Милициянын катарындагы 27-жылдын 17 жылын кылмыш иликтөө кызматында, анын тогуз жылын ИИМде бөлүм башчылык кызматында иштеген офицердин кесипкөйлүгү министри жок эле өздүк курам арасында дайыма жакшы бааланып келген.

Ал эми Б.Матмусаев менен У.Ниязбековдордун министрге эч кандай туугандыгы жок, министрдин командасында жүздөгөн жетекчилер катарында өздөрүнө тагылган кызматтык милдеттерин аткарып келишүүдө. Эми Улук Сапаров боюнча ал милицияда ишин 2010-жылы Ысык-Көл РИИБүндө аймактык тескөөчү, кылмыш иликтөө кызматынын ыкчам өкүлү, Ысык-Көл райондук күзөт бөлүмүнүн ротасынын командири, 2015-жылы эле Ысык-Көл райондук күзөт бөлүмүнүн башчысы болуп иштеп турган. Ал кезде Кашкар Жунушалиев министр болуп иштеген эмес жана Улук Сапаров райондук деңгээлдеги күзөт кызматын гана башкарып, кызматтык милдеттерин так аткарып келүүдө. Күйөө бала экендигинде сөз жок, бирок Кыргызстандагы ар бир күйөө баланын өз кадыр-баркы жана өз жолу бар экендигин ар бир кыргыз жакшы түшүнөт деген ойдобуз. Сегиз жылдан бери күзөт бөлүмүндө жетекчилик кызматта иштеп жатканында министрдин эч кандай тиешеси жок.

"Милициянын ичинде күйөө бала, тууган, дос, куда-сөөк, бажа, бир туугандар дегендер жүздөп саналат, анткени биз Кыргызстанда жашап жатабыз, алакандай элбиз, ар бир милиционердин, ар бир милициянын ардагерлеринин жүздөгөн тууган-уругу, куда-сөөгү бар.Бирок, алардын бири да кызматтык милдеттерин аткарууда эч кимге токонаалат кылышпайт жана мыйзам чегинде кызматтык милдеттерин эки эселеп мыктылап аткарганга аракет кылышат жана өздөрүнүн милдеттерин аркалап келишүүдө.

Ошол себептүү газетада аты аталгандар ИИМге Жунушалиев министр болуп иштегенге чейин эле өзүлөрүнүн иштеп жаткан ордуларына татыктуу жана турмуштук жактан да, кесиптик да жактан ондогон жылдар өздөрүнүн багытында, милициянын оош-кыйыш, түмөн түйшүгүн баштарынан кечирип, карапайым катардагы милициядан жетекчиликке чейин жетишкендиги белгилүү. Алар бүгүн да эч кандай туугандыгы жок эле өздөрүнүн кесипкөйлүгү менен кызматтык милдеттерин аткарып келе жатышкандыгын белгилейбиз",- деп айтылат маалыматта.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР
Нурлан Насип менен Асел Кадырбекова жаңы стиль менен ырдап чыгабы?
Нурлан Насип менен Асел Кадырбекова жаңы стиль менен ырдап чыгабы?
Өрүк майынын сулуулукка пайдасы
Өрүк майынын сулуулукка пайдасы
Эсеп 27:0 болгондо машыктыруучуну иштен айдады
Эсеп 27:0 болгондо машыктыруучуну иштен айдады
Данияр Эрматовдун болочок жары Айсалкындын кыз узатуу тою болот
Данияр Эрматовдун болочок жары Айсалкындын кыз узатуу тою болот
Адамдарга жасаган чыдамкайлык мамиле өмүрдү узартат!
Адамдарга жасаган чыдамкайлык мамиле өмүрдү узартат!
ЕАЭБдин тышкы соода жүгүртүү көлөмү беш пайызга төмөндөдү
ЕАЭБдин тышкы соода жүгүртүү көлөмү беш пайызга төмөндөдү
УКМК: Ош шаарынын тургуну джихаддык идеологиядан ​баш тартты
УКМК: Ош шаарынын тургуну джихаддык идеологиядан ​баш тартты
Кыргызстандын мамлекеттик карызы 4,5 млрд долларга жетти
Кыргызстандын мамлекеттик карызы 4,5 млрд долларга жетти
​75 жаштагы фитнес жылдызы интернетти жарды (видео)
​75 жаштагы фитнес жылдызы интернетти жарды (видео)
Кайсы табигый дарылар рак оорусун күчөтөт?
Кайсы табигый дарылар рак оорусун күчөтөт?
Президент жаңы мыйзамга кол койду
Президент жаңы мыйзамга кол койду
​“Интер” клубунун машыктыруучусу ок салынган, тоголок кат алды
​“Интер” клубунун машыктыруучусу ок салынган, тоголок кат алды
Тогуз айда Кыргызстанда 15 мектеп курулду
Тогуз айда Кыргызстанда 15 мектеп курулду
Жанар Акаев мыйзам долбоорлорун талкуулоону өзгөртүү тууралуу сунуш киргизди
Жанар Акаев мыйзам долбоорлорун талкуулоону өзгөртүү тууралуу сунуш киргизди
​Ошто өз жанын кыйган аскер кызматкеринин сөөгү табылды
​Ошто өз жанын кыйган аскер кызматкеринин сөөгү табылды
Мэнни Пакьяо рингге качан кайтаарын айтты
Мэнни Пакьяо рингге качан кайтаарын айтты