Ысык-Көлгө унаасы менен кирип таксист болгусу келген Самат (видео)

Ысык-Көлгө унаасы менен кирип таксист болгусу келген  Самат  (видео)
21-Июнь 2019, Жума, 10:18

Социалдык тармактарда “Хонда - Торнео” үлгүсүндөгү автоунааны Ысык-Көлдүн жээгине жүктөп барышып, тамашалуу видео тарткан балдар кызуу талкууга алынган эле.

Ысык-Көл облустук Ички иштер башкармалыгы соц.тармактарда тараган видео боюнча билдирүү таратты. Андагы маалыматта унаанын ээси 28 жаштагы Самат аттуу жигит болуп чыккан. Ал милицияга берген өзүнүн түшүндүрмөсүндө, 19-июнда Каракол-Пристань шаардык типтеги айыл жактагы көлдүн жээгинде дос балдары менен болушуп, ушул тамашалуу видеону тартышкан.

Бул факты Кылмыштардын жана жоруктардын бирдиктүү реестрине катталып, окуяга юридикалык баар берүү үчүн иштин материалдары Каракол шаардык тергөө кызматына өткөрүлүп берилди. Ал эми “Хонда” үлгүсүндөгү унаа айып унаа токтотуучу жайга жеткирилди.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!