Ысык-Көлдө жол кырсыктан жабыркагандардын дагы бири каза болду

Ысык-Көлдө жол кырсыктан жабыркагандардын дагы бири каза болду
9-Июль 2019, Шейшемби, 16:36

Ысык-Көл облусунда болгон жол кырсыктан жабыркаган төртүнчү адам каза болду. Бул тууралуу Саламаттыкты сактоо министрлигинин басма сөз кызматынан кабарлашты.

Белгилей кетсек, 7-июль күнү саат 04:35тер чамасында Бактуу-Долоноту айылында "Lexus ES 300" жана "BMW Х7" үлгүсүндөгү автоунаалар кагылышкан. Кырсыктын кесепетинен Lexus автоунаасынын айдоочусу менен бир жүргүнчүсү окуя болгон жерден жан берсе, дагы эки жүргүнчүсү оор абалда ооруканага жеткирилген. Андан сырткары эки жаран биринчи жардамды алгандан кийин аларды туугандары Бишкекке алып кеткен.

"Кырсыктан жабыркагандардын бири жандандыруу бөлүмүнөн каза болгон. Анын абалы абдан оор болчу. Экинчиси 9-июлга караган түндө көз жумган. Алардын экөө тең 1995-жылы туулган Б.у.Б. жана К.Б., аттуу жарандар болгон", - деп айтылат маалыматта.

Айта кетсек, аталган жол кырсыгына кабылган унаалардын биринде Бишкек шаардык кеңешинин депутаты, 25 жаштагы Темирлан Токобеков болгон деген маалымат тарады. Ал Жогорку Кеңештеги "Республика-Ата Журт" фракциясынын депутаты Алиярбек Абжалиевдин уулу.


Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!