Исаков гемодиализ борборундагы бейтаптардан кабар алды

Исаков гемодиализ борборундагы бейтаптардан кабар алды
12-Окт. 2017, Бейшемби, 12:38

Ушул тапта иш-сапары менен Ысык-Көл облусунда жүргөн өкмөт башчы Сапар Исаков Балыкчы шаарындагы Исагалы Сабира атындагы гемодиализ борборунун иши менен таанышуудан баштады.

Өкмөт башчысы бөйрөк оорусу менен ооругандардын абалы менен таанышып чыккан соң, Саламаттыкты сактоо министри Талантбек Батыралиевге борбордогу дарыгерлердин айлык акысына байланышкан маселени чечүүнү тапшырды.

Учурда социалдык жактан аз камсыз болгон, гемодиализге муктаж жарандар мамлекеттин эсебинен акысыз дарыланышууда. Бейтаптардын оорусунун деңгээлине жараша министрлик кезек түзүп берет. Дары дармектер министрликтен жана аймактык ооруканалар тарабынан камсыз болот.

Борбордогу гемодиализ аппараттары Кореядан алынып келинген. Учурда төрт аппарат иштейт.

Белгилей кетсек, аталган гемодиализ борбору ушул жылдын 1-июнунда ачылган. Облус боюнча мындай борборлор Балыкчы жана Каракол шаарларында бар.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!