“Ак илбирс-2019” кино сыйлыгына тасмаларды кабыл алуу башталды

“Ак илбирс-2019” кино сыйлыгына тасмаларды кабыл алуу башталды
5-Фев. 2019, Шейшемби, 14:17

“Ак илбирс - 2019” Улуттук кино сыйлыгына катышуучу тасмаларды кабыл алуу башталды. Бул тууралуу уюштуруучулар маалымдашты.

“Ак Илбирс” Улуттук кино сыйлыгы жыл сайын кинемотография жаатындагы мыкты адистердин эмгегин жыйынтыктоо менен жылдын мыкты тасмаларын аныктайт.

Бул сыйлыктыкино жаатындагы адистердин эмгегин баалоо максатында, бул жылы ийгилик жараткан тасмага берилет.

“Ак илбирс -2019” кино сыйлыгы 18 номинациядан турат:
1. «Эң мыкты фильм».
2. «Эң мыкты режиссер».
3. «Эң мыкты сценарий».
4. «Эң мыкты оператор».
5. «Эң мыкты художник».
6. «Эң мыкты композитор».
7. «Эң мыкты үнрежиссер».
8. «Эң мыкты монтаж»
9. «Эң мыкты эркектин ролуролу».
10. «Эң мыкты аялдын ролу».
11. «Эң мыкты документалдык тасма»
12. «Эң мыкты кыска метраждуу тасма»
13. «Эң мыкты көрсөтүлгөнтасма».
14. «Улуттук кинемотографияга кошкон салымы».
15. «Дүйнөлүк кинематографига кошкон салымы»
16. «Эң мыкты Борбордук Азиядагы тасма»
17. «Борбордук Азиядагы мыкты актер»
18. «Борбордук Азиядагы мыкты актриса»

“Ак илбирс” кино сыйлыгына 2018-жылы тартылган бардык жанрдагы тасмалар катыша алышат.

Ал эми сыйлык тапшыруу аземи 2019-жылдын 26-апрелинде Бишкектеги “Манас” кинотеатрында болот.



Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!