Американын Калифорния штатында Садык Шер-Нияз негиздеген Эл аралык Азия кинофестивалы өтөт. Бул тууралуу уюштуруучулар маалымдашты.

Маалыматка ылайык, кинофестиваль 6-14-ноябрда өткөрүлөт. Анда «Мыкты тасма», «Мыкты актер», «Мыкты актриса» категориялары боюнча жеңүүчүлөр ат салышат. Калыстар курамын атактуу актер жана актрисалар түзөт. Алар Мерьем Узерли (Германия / Түркия), Гука Омарова (Казакстан), Киу Чинь, Сара Финн, Жереми Каган, Тин Тин Сюй жана Ирис Ямашита. Бул кинофестивалда 50 өлкөнүн тасмасы көрсөтүлөт.

Эскерте кетсек, Эл аралык Азия кинофестивалы Жогорку Кеңештин депутаты Садык Шер-Нияз тарабынан Азия менен Голливуд кино индустриясынын ортосундагы байланышты бекемдөө максатында негизделген.