Бишкекте манасчы Жусуп Мамайдын бюсту орнотулду

 Бишкекте манасчы Жусуп Мамайдын бюсту орнотулду
11-Июнь 2019, Шейшемби, 17:56

Бүгүн,11-июнда Бишкек шаарындагы Токтогул Сатылганов атындагы улуттук филормониянын алдындагы «Манас» архитектуралык спорттук комплексине манасчы Жусуп Мамайдын бюсту орнотулду. Бул тууралуу иш-чаранын уюштуруучулары маалымдашты.

Эстеликти ачуу аземине жүзгө жакын адам катышты. Архитектор жана сүрөтчү Тургунбай Садыковдун айтымында эстеликтин жасалышына бир жыл кеткен.

Белгилей кетсек, Жусуп Мамай уулу 1916-жылы туулган. Ал Кытайдагы кыргыздардын 20-кылымдын экинчи жарымы - 21-кылымдын башындагы чыгаан манасчысы, дастанчы жана коомдук ишмер. 2014-жылы каза тапкан. Ошол эле жылы ага Кыргызстандын жогорку бийлиги Кыргыз Республикасынын Баатыры деген наам ыйгарган.

Сүрөт: culture.akipress.org

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!