​Каналга агып кеткен жаш жубайларды издөө уланууда

​Каналга агып кеткен жаш жубайларды издөө уланууда
21-Июнь 2019, Жума, 17:52

Араван районунда каналга агып кеткен эки кишинин жубайлар болгону такталды. Бул тууралуу Өзгөчө кырдаалдар министрлиги билдирди.

Окуя 20-июнь күнү саат 11:00 чамасында болуп, кокустан сууга түшүп кеткен жубайын куткаруу үчүн жолдошу кошо секирген. Бирок жубайын куткарып жатканда анын тарамышы түйүлүп, ошол жердеги бир топ балдардан жардам сураган. Бир жигит жардам берүү үчүн колун сунганда, жубайлар аны да сууга тартып кетишкен. Көмөк кылып колун сунган жигит кайра жээкке чыкканга жетишкен.

Жубайларды издөө ишине ӨКМден жалпы 22 куткаруучу, ИИМден 20 кызматкер тартылды. Бүгүн да издөө иштери жүрүп жатат.



Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!