​Балдарын сабаган жигитке аялы арыз жазган жок

​Балдарын сабаган жигитке аялы арыз жазган жок
24-Июнь 2019, Дүйшөмбү, 11:00

Сокулук районунун тургуну балдарын сабаганга шектелүүдө. Бул тууралуу Чүй областтык ички иштер башкармалыгы билдирди.

22-июнь күнү ооруканага 3 жана 5 жаштагы балдар ар кандай жаракаттар менен жаткырылганын милицияга маалымдашкан.

Балдардын энесинин айтуусу боюнча ага кошунасы чалып күйөөсү балдарын сабап жатканын билдирген. Ал учурда күйөөсү мас абалда болгон.

Аял милицияга арыз жазуудан баш тартып, күйөөсүнө эч кандай дооматы жок экенин билдирип, бул ишти токтотууну суранды.

26 жаштагы балдардын атасы аларды сабаганын мойнуна албай жатат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!