13 жаштагы кызга зомбулук көрсөткөн адам эркиндикте жүрөт

13 жаштагы кызга зомбулук көрсөткөн адам эркиндикте жүрөт
27-Июнь 2019, Бейшемби, 10:32

Бишкек шаарынын соода борборунун биринде 31 жаштагы эркек киши 13 жаштагы кызды зордуктаган. Бул тууралуу "Сезим" кризистик борборунда болгон пресс-тур маалында жактоочу Арман Кайгырова билдирди.

"Сезим" кризистик борборунда “Кыргызстанда гендердик зомбулукка кабылган өспүрүм кыздардын жана аялдардын укуктары канчалык корголгон” аттуу пресс-жыйында,13 жашында зордукталган өспүрүм кыздын апасы жана жактоочусу келип маалымат беришти.

Анын айтымында “Бул окуя 2016-жылы болгон. Шаардын соода борборунун биринде 31 жаштагы эркек киши 13 жаштагы кызды зордуктаган. Үй-бүлөсү жана үч баласы бар бул жаран өспүрүм кызды алдап бул кылмышка барган. Бул иш боюнча сот отуруму өтүп, бирок кылмышкер жана тергөөчү өспүрүм кызды күнөөлөп кылмышты мойнуна алган эмес. Жыйынтыгында кылмышкердин үч баласы бар деген шылтоо менен үй камагына чыгарылып эркиндикте жүрөт”,- деп айтты жабырлануучунун жактоочусу Арман Кайгырова.

Азыркы учурда кыз 17 жашта. Апасынын айтымында кыз бүгүнкү күнгө чейин психикалык жактан жабыркап келет. Апасы жана жактоочу Арман Кайгырова бул адилетсиздик чечим менен ушул убакка чейин күрөшүп келишет.

Эскерте кетсек, “Сезим” кризистик борбору 1998-жылдан бери зомбулукка кабылган аялдардын укуктарын коргоп, аларга укуктук жана психологиялык жардам көрсөтүп келет.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!