Бишкектеги Киев көчөсү убактылуу эки багыттуу кыймылда болот

Бишкектеги Киев көчөсү убактылуу эки багыттуу кыймылда болот
13-Авг. 2019, Шейшемби, 13:23

Жолдорду оңдоо иштерине байланыштуу Киев көчөсү убактылуу эки багыттуу болот. Бул тууралуу мэриянын басма сөз кызматы билдирди.

Маалыматка ылайык, 13-августтан тарта Москва көчөсүнүн Манас менен Жаш Гвардия Бульварына чейинки бөлүгү унаа кыймылы үчүн жабылат. Мындан улам, троллейбус жана кичи автобуст каттамдарынын кыймылынын схемасы убактылуу өзгөрөт.

"№6 троллейбустун каттамы Асанбай кичи районуна чейин узартылды, №4 жана №8 троллейбустар Киев көчөсү менен жүрөт. Ал эми №9 менен №10 троллейбустар 28-августтан баштап ишке кирет",- деп маалыматта айтылат.

Андан тышкары №102, №110, №195, №204, №213, №222, №265, №266, №269 жана №295 кичи автобустарынын каттамы өзгөрүп Чүй жана Киев көчөсү аркылуу каттайт.

Жолдорду оңдоо иштери 28-августка чейин жүргүзүлөт.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!