​12-декабрь: аймактарда туман түшүп, кар жаайт

 ​12-декабрь: аймактарда туман түшүп, кар жаайт
11-Дек. 2018, Шейшемби, 15:12

12-декабрда Ысык-Көл облусунун айрым жерлеринде жана Кыргыз тоо кыркаларында кар жаашы күтүлөт, калган аймактарда жаан-чачын болбойт. Бул тууралуу “Кыргызгидромет” борбору билдирди.

Маалыматка караганда, Чүй, Талас, Ош, Жалал-Абад, Баткен облустарынын айрым жерлеринде туман түшүшү мүмкүн. Жолдор тоңголок, тайгак болот. Батыштан келген шамалдын ылдамдыгы секундасына 2-7 метрден, Ысык-Көл акваториясында 14 метрге чейин жетет.

Абанын температурасы:

Чүй өрөөнүндө түнкүсүн 0…-5, күндүз +2…+7,

Талас жергесинде түнкүсүн -1…-6, күндүз +2…+7,

Баткен облусунда түнкүсүн -3…+2, күндүз +5…+10,

Ошто түнкүсүн -3…+2, күндүз +5…+10,

Жалал-Абадда түнкүсүн -3…+2, күндүз +5…+10,

Ысык-Көл дубанында түнкүсүн -1…-6, күндүз +2…+7,

Нарын облусунунда түнкүсүн -10…-15, күндүз -3…-8 градус болот.

Бишкек шаарында 12-декабрда жаан-чачын күтүлбөйт. Туман түшүшү мүмкүн. Батыштан келген шамалдын ылдамдыгы 2-7 м/с жетет. Абанын түнкү төмөнкү температурасы 0…-2°, күндүзгү жогорку температурасы 4…6° болот.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!