Google жеңүүчүлөрдү атады

Google жеңүүчүлөрдү атады
11-Июль 2018, Шаршемби, 17:44

FIFA 2018 Дүйнөлүк чемпионатында бир топ күтүүсүз учурлар болду. Кимдин жеңишке жетерин болжолдоо оор болуп жаткан мезгилде ири Интернет издөөчү система же Google статистика чыгарды. Анда Англия жана Франция командаларына басым жасалган.

Хорватия менен Англиянын ортосундагы мелдеште Google системасынын көрсөткүчтөрүндө Англиянын жеңишке жетүү мүмкүнчүлүгүн 42 пайыз, Хорватиянын мүмкүнчүлүгү 28 пайыздык чекте болжолдонууда.

Аталган системанын божомолу негизинен туура чыккандай. Франция-Уругвай командаларынын беттешинде Францияга жеңишке жетүүгө 46 пайыз, Түштүк Американы мамлекетине 25 пайыз берген. Бул оюнда ансыз да Франция 2-0 эсебинде жеңишке жетти.

Хорватия-Россия оюнунда балкандык командага 44 пайыз, алы эми тең-тең чыгуу ыктымалдыгын 32 пайызга эсептеген. Бул оюндун нормалдуу убактысы тең чыгып, пеналтилердин жыйынтыгында упай Хорватияга ооду.

Google болгону Бразилия-Белгия оюнунан жаңылды. Анда Белгиянын жеңүү ыктымалдыгы 28 пайыз, Бразилияныкын 43 пайыз деп болжогон. Бирок мелдеш Белгиянын жеңиши менен аяктап, ойлогондон башка жыйынтык чыкты.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!