Өмүрбек Текебаев менен Садыр Жапаровдун тарапташтары митинг өткөрүштү (видео)

Өмүрбек Текебаев менен Садыр Жапаровдун тарапташтары митинг өткөрүштү (видео)
23-Апр. 2019, Шейшемби, 15:44

Бүгүн, 23-апрелде камактагы саясатчылар Өмүрбек Текебаевдин, Садыр Жапаровдун жана мурдагы ӨКМ министри Дүйшөн Чотоновдун тарапташтары Жогорку соттун алдында митинг өткөрүштү.

Алар камактагы саясатчыларды абактан бошотуу талабын коюп жатышат. Митингге мурдагы премьер-министр Темир Сариев, мурдагы башкы прокурор Аида Салянова, Ата Мекен фракциясынын депутаттары да келишти.


Жаңы жагдайларга байланыштуу саясатчы Садыр Жапаровдун иши Жогорку сотто каралып, кийинки соттук отурум 30-апрелге дайындалды. Буга Жапаровдун жактоочусу Шарабадин Токтосуновдун соттун курамына, төрагалык кылган судьяга ишеним көрсөтпөө өтүнүчү себеп болду. Соттук отурумга Садыр Жапаров алынып келинген жок.

Ал эми Текебаевдин иши саат 16:00дө каралат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!