Шыкмаматов митингдин катышуучусунан кечирим сурады (видео)

Шыкмаматов митингдин катышуучусунан  кечирим сурады (видео)
30-Апр. 2019, Шейшемби, 12:31

Кызыл-Омпол уран кенин казууга каршы өткөн митингде пикир келишпестиктиктер жаралган эле. Анда “Ата Мекен” фракциясынын лидери Алманбет Шыкмаматов митингге катышкан Агзам Данияров аттуу жаранды “провакатор” катары сыпаттаган.

Агзам Данияров видео билдирүү жасап, өзү дарыгер болуп иштээрин жана уран темасын саясатташтырбоого чакырды.


Депутат Алмамбет Шыкмаматов аны “провакатор" деп жаңылып атап алганы үчүн кечирим сурады.

“Агзам, иним, мен уран боюнча да өзүн менен тилектешмин. Уранды казууну токтотуунун бир жолу, мыйзам кабыл алуу, башка жол жок. Митингдин да негизги ураанытез арада мыйзам кабыл алуу болчу. Ошондуктан уран казууну токтотуу боюнча мыйзам долбоорунун авторлорунун бири катары пикиримди билдирейин эле дегем. Сенин патриоттук сезимине таазим этем! Сени провокатор болушу мүмкүн деген божомолум үчүн сенден расмий түрдө кечирим сурайм! Аман бол, бар бол!

PS. Күч органдарынын да бул инциндентке тиешеси жок. Парламенттикиндей эле силердин да топурагыңар жеңил, түшүнүү менен кабыл алгыла катуу айтсам, ак чөп башта!” – деп жазды “Фейсбуктагы” баракчасына.

Учурда уранга каршы “ураандар” дагы деле уланып, "Жашылдар" партиясы Горький сейил багында митинг өткөрүп жатат.


Биринчи вице-премьер-министр Кубатбек Боронов Кызыл-Омпол уран кени боюнча жергиликтүү тургундар менен болгон жолугушуусунда «Кыргызстандагы ЮрАзия» компаниясына берилген лицензия кайтарып алынганын жана уран казуу иштерин жүргүзүүгө тыюу салынганын кабарлады.

Депутаттар – Алмамбет Шыкмаматовдун, Алтынбек Сулаймановдун жана Канат Керезбековдун уран кендерин иштетүүгө жана чалгындоого 50 жылга мораторий киргизүү тууралуу мыйзам долбоору коомдук талкууга коюлду. Эгер мыйзам долбоору колдоо тапса, 2007-жылга чейин өлкө аймагындагы уран кендеринчалгындого жана казууга уруксат берилбейт.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!