Жанар Акаев: Чек арабыз улам тарып баратат деп кабатыр болуп жатышат

Жанар Акаев: Чек арабыз улам тарып баратат деп кабатыр болуп жатышат
2-Май 2019, Бейшемби, 10:27

Чоң-Алайдагы Карамык айылынын тургундары чек арабыз улам тарып атат деп кабатыр болуп жатышат. Бул тууралуу депутат Жанар Акаев Жогорку Кеңештин жалпы жыйынында маселе көтөрдү.

“Биз, бир нече депутаттар бир эле Кара-Суу району эмес, Чоң Алайдын Тажикстан менен чектешкен жерлерине чейин барып, элден кабар алып келдик. Мен өкмөттү борбордон 1000 километр алыс жайгашкан Чоң-Алайдагы көйгөйгө көӊүлүн бурат элем.

Чек арага жакын Карамык айылында элдер кабатыр болуп жатат. Бизге катуу тапшырмаларды беришти. Биздин ата-бабабыз жашап келген чек арабыз улам тарып баратат деп айтып жатышат. Өкмөт тактап, түшүндүрүп, аныкталып, такталган жерлер боюнча түшүндүрүп койбосоңор, элде чоң кабатыр бар”,- деди Акаев.

Жогорку Кеңештин депутаттары Рыскелди Момбеков, Жанар Акаев, Элвира Сурабалдиева 26-27-апрелде Чоң-Алай районунда иш-сапар менен болушкан.

Депутаттар чек арадагы эң алыскы калктуу конуштардын бири Карамык айылына барып, Тажикстандын Жерге-Тал өрөөнү менен чектешкен чек ара тозотунда болушуп, коңшулар менен талаш болуп жаткан жайлоолорду өз көздөрү менен көрүп келишкен.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!