Өмүрбек Текебаев ооруканага которулду

Өмүрбек Текебаев ооруканага которулду
1-Июнь 2019, Ишемби, 11:56

Камактагы саясатчы Өмүрбек Текебаев абактан Улуттук кардиология жана терапия борборуна которулду. Бул тууралуу Жаза аткаруу мамлекеттик кызматы кабарлады.

Өмүрбек Текебаев акыркы ирет 2018-жылдын жылдын 13-декабрында Улуттук кардиолгия борборунда дарыланып, 9-январда кайра №47 абакка которулган.

Ушул жылдын 3-майында жаңы кабыл алынган мыйзамдарга жана жаңы жагдайларга ылайык, эки саясатчынын иши Жогорку сотто каралды. Жактоочулар буга чейин чыккан соттун чечимдерин жокко чыгарып, ишти кайра кароого өтүнүчүн келтирген. Бирок буга мамлекеттик аыйптоочу каршы чыккан.

Натыйжада ишти караган судья Текебаев менен Чотоновдун жактоочуларынын өтүнүчүн канааттандыруусуз калтырды.

Өмүрбек Текебаев менен Дүйшөн Чотоновго орус ишкери Леонид Маевскийден “1 млн. доллар пара алган" деген айып тагылып, сот сегиз жылга эркинен ажыраткан.

Ал эми Леонид Маевский өзү “бирөөгө шек келтире турган маалыматты жайылтпоо үчүн 37,5 млн. доллар пара алган” деп айыпталып камакка алынган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!