Матраимов: Сайматиге да, 250 млн долларга биздин тиешебиз жок

Матраимов: Сайматиге да, 250 млн долларга биздин тиешебиз жок
4-Июнь 2019, Шейшемби, 17:30

Жогорку Кеңештин депутаты Искендер Матраимов “Азаттыкка” чыккан “Кыргызстандан чыгарылган миллиондордун изи” аттуу иликтөөсү боюнча түшүндүрмө берди.

Искендер Матраимов билдиргендей, иликтөөдө аты аталган Саймати менен да, Бумаилиамуну менен да Матраимовдордун эч кандай байланыштары же алака-катнаштары жок. Ал эми сөз болуп жаткан акча каражаттар тууралуу ал буларга токтолду:

«Азаттыктын» маалыматтары боюнча чет өлкөгө которулган $ 250 млн. долларга да биздин эч кандай тиешебиз жок. Анан да, мен журналисттерди өздөрүнүн ырастоолорунда кыйла тагыраак болууга чакырууну каалайм. Иликтөөнүн автору Али Токтакунов «Бешинчи каналдын» берүүсүндөгү эфиринде которулган $700 миллион долларга же $250 миллион долларга биздин тиешебиз бардыгын эске албаганын түшүндүрдү. Чындап эле, алардын материалында ошол акчалардын бизге таандыктыгы жөнүндө да, акчалардын кылмыштуу жол менен табылганы жөнүндө да эч кандай жүйөлөр келтирилген эмес. Бирок коом азыр дүүлүгүп алды жана журналист өзүнүн материалында бар болгону боолгологон нерсенин баарына ишенет”, – деди И. Матраимов.

Премьер-министр Мухаммедкалый Абылгазиев кеңешме өткөрүп, журналисттик иликтөөдө айтылган фактыларды текшерүүнү тапшырды.

“Азаттык” радиосунун журналисти Али Токтакунов “Кыргызстандан чыгарылган миллиондордун изи” аттуу иликтөө жасаган. Анда өлкөдөн чыгарылып кеткен миллиондогон акчалар жана анын Матраимовдорго тиешеси тууралуу сөз болгон эле.
Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!