Алмазбек Атамбаевге коюлган айыптардын саны кыскарды

Алмазбек Атамбаевге коюлган айыптардын саны кыскарды
25-Июнь 2019, Шейшемби, 13:53

Экс-президент Алмазбек Атамбаевдин өз кызыкчылыгы үчүн бардык бийлик бутактарынан уюшкан кылмыш топ түзүп алып, ага каршы сүйлөгөндөрдү куугундуктады деген айыптоого катыштыгы жок.

Бул тууралуу Башкы прокурор Өткүрбек Жамшитов Жогорку Кеңештин Конституциялык мыйзамдар, мамлекеттик түзүлүш, сот-укук боюнча комитетинин жыйынында айтты.

Ал эми экс-президентке коюлуп жаткан калган 5 айыптоодо кылмыш белгилери бар деген тыянак чыгарылган.

Комитет мүчөлөрү Башкы прокуратуранын корутундусун эске алуу менен Жогорку Кеӊештин кароосуна чыгаруу чечимин кабыл алышты.

Депутаттык комиссия “Алмазбек Атамбаев бир нече ири долборлорду ишке ашырууда коррупцияга жол берген, анын саясатына каршы чыккан коомдук ишмерлерди, журналисттерди куугунтукка алган. Бишкек ЖЭБ, Тарых музейин реконструкциялооду коррупциялык иштерге аралашкан” деген айыптарды койгон.

Ошондой эле экс-президенттин “Кой-таш” айылында салынган үйүнүн жерин да мыйзамсыз сатып алганы, ЖЭБге көмүр ташыган компаниянын кызыкчылыгын коргогону" да комиссиянын корутундусунда камтылган.

Алмазбек Атамбаев депутаттардын айыптоосун “калп” деп баалап, өзү бир нече ирет соттун алдында таза экенин айткан.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!