Алмазбек Атамбаев: Болгон чындыкты Батукаев өзү жигитчесинен айтып берет деп ойлойм

Алмазбек Атамбаев: Болгон чындыкты Батукаев өзү жигитчесинен айтып берет деп ойлойм
26-Июнь 2019, Шаршемби, 14:50

Убагы келгенде Батукаевдин иши боюнча болгон чындыкты Батукаев өзү жигитчесинен айтып берет деп ойлойм.

Мындай пикирин экс-президент Алмазбек Атамбаев бүгүн, 26-июнда жасаган билдирүүсүндө айтты.

Убагы келгенде Батукаевдин иши боюнча болгон чындыкты Батукаев өзү жигитчесинен айтып берет деп ойлойм. Аны бошотуу боюнча афераны кимдер ойлоп тапканы, ага рак менен оорулуу, жакында өлөт деген документтерди ким даярдаганы жана бул жардамы үчүн кимдер канча акча алганы жөнүндө ачык айтса болмок.
Мен ошондой эле бул маселе боюнча Россия Президенти, урматтуу В
ладимир Путин да өз сөзүн айтаарына ишенем, анткени мен андан Батукаевди кайрадан Кыргызстанга кайтаруу жөнүндө оозеки да, кат түрүндө да далай жолу сурангам. Мен өзүмдүн президенттик мөөнөтүмдүн акыркы күнүнө чейин Батукаев кайра Кыргызстанга өткөрүлүп берилет деп ишенгенмин.

25-июнда Башкы прокурор Өткүрбек Жамшитов крим төбөл Азиз Батукаев Алмазбек Атамбаевдин жеке тапшырмасы менен бошотулганын айткан.

КСДП фракциясынын депутаттары Ирина Карамушкина, Асель Кодуранова жана Карамат Орозова экс-президент Алмазбек Атамбаевдин кол тийбестигин алуу боюнча токтомду жокко чыгаруу боюнча Конституциялык палатага арыз менен кайрылышты.

Партиянын юристи Нурбек Касымбеков экс-президенттин макамы жөнүндө мыйзам өткөн мезгилге иштейбей турганын жүйө келтирүүдө. Анын айтымында, Алмазбек Атамбаев экс-президент макамын 2017-жылдын 24-ноябрында, "президенттин ишмердүүлүгүнүн кепилдиктери жөнүндө" мыйзамы иштеп турган учурда алган жана анда экс-президентти жоопкерчиликке тартуу каралган эместигин билдирди.

Алмазбек Атамбаевдин ко тийбестигин алуу боюнча түзүлгөн депутаттык комиссия “Алмазбек Атамбаев бир нече ири долборлорду ишке ашырууда коррупцияга жол берген, анын саясатына каршы чыккан коомдук ишмерлерди, журналисттерди куугунтукка алган. Бишкек ЖЭБ, Тарых музейин реконструкциялооду коррупциялык иштерге аралашкан” деген айыптарды койгон

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР