Кесиптештер чек аранын ачылганына ыраазы

Кесиптештер чек аранын ачылганына ыраазы
7-Дек. 2017, Бейшемби, 09:17

Кыргыз президенти Сооронбай Жээнбеков жана казак президенти Нурсултан Назарбаев телефон аркылуу сүйлөшкөнүн мамлекет башчынын маалымат кызматы билдирди.

Демилге кыргыз тараптан болуп, телефондук сүйлөшүүдө мамлекет башчылар эки өлкөнүн өкмөттөрүнүн “Жол картасы” боюнча Астанадагы сүйлөшүүлөрүнүн натыйжасына канааттанганын билдиришти.

Сооронбай Жээнбеков менен Нурсултан Назарбаев эки өлкөнүн ортосундагы эки тараптуу мамилелердин абалы жана келечеги боюнча пикир алмашышты.

10-октябрдан тарта кыргыз-казак чек арасындагы жүк ташуучу унаалардын бир нече чакырымга созулган узун тыгыны дээрлик эки айга жакын убакыттан кийин эки өлкөнүн өкмөттөрү “Жол картасына” кол койгондон кийин жоюлду.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!