Гарри Каспаров чемпионатты бойкот кылууга чакырды

Гарри Каспаров чемпионатты бойкот кылууга чакырды
2-Апр. 2018, Дүйшөмбү, 02:13

Орусияда өтө турган футбол чемпионатын бойкот кылууга шахмат боюнча дүйнөнүн 13-чемпиону Гарри Каспаров чакырык таштады. Бул тууралуу атактуу спортчу немистердин “Frankfurter Allgemeine Zeitung” гезитине билдиргендигин орус басылмалары жазып чыкты. Маалыматка ылайык Гарри Каспаров 2018-жылы жайында баштала турган футбол чемпионатына каршы чыгууда.

Дүйнөгө белгилүү шахматчы “Адатта, мен ири мелдештердин акыркы стадиясына келгенде каршы чыкканды туура көрбөйм. Себеби анын курмандыгы бир гана спортчулар болот. Мен болгону Москванын саясий режимине жана орусиялык бийликтин душмандык иш-аракеттерине каршы чыгуудамын” деди.

Бул аракеттери менен Каспаровмурдагы орус тыңчысы Сергей Скрипаль жана анын кызы Юлиянын уулангандыгы боюнча Орусияны күнөөлөп жаткан Улуу Британияны колдогондугун билдирди. Бул бойкот аракеттерин Англиядан кийин Польша, Исландия, Дания, Швеция, Австралия жана Жапония кошулгандыгы айтылган.

Футбол боюнча дүйнө чемпионаты 2018-жылдын 14-июнунан 15-июлга чейин Россияда өтөт. Футболчулар Россиянын 11 ири шаарларында 12 стадионунда ат салышат. Москва шаарында (“Лужник жана “Спартак), Санкт-Петербург (“Санкт-Петербург” стадионунда) Казань (“Казань Арена”), Сочи (“Фишт”), Екатеринбург (“Екатеринбург Арена”), Ростов-на-Дону (“Ростов Арена”), Волгоград (“Волгоград Арена”), Нижний Новгород ( “Нижний Новгород” стадиону).

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!