​Илюмжиновдун кызматтан кетүүсү талап кылууда

​Илюмжиновдун кызматтан кетүүсү талап кылууда
10-Апр. 2018, Шейшемби, 01:36

Эл аралык шахмат федерациясынын (ФИДЕ) президенти Кирсан Илюмжинов кызматтан дароо кетиши керек. Мындай суроо-талап менен ФИДЕнин башкаруу кеңеши чыккандыгын "Р-Спорт" басылмасы жазып чыкты. Маалыматка караганда учурдагы президенттин кызматтан кетирүү маселеси 8-апрелде Минск шаарында өткөн башкаруу кеңешинин жыйынында көтөрүлдү. Демилгеге кеңештин 15 мүчөсүнүн 14 колдоо көргөзгөн.

Эл аралык шахмат федерациясынын (ФИДЕ) президенти Кирсан Илюмжиновго жазылган кайрылууда спорттук уюм АКШнын санкциясына кабылгандыгын жана эсептер жабылгандыгы айтылган. Банктар ФИДЕ менен кызматташууну каалашпай алдыда каржы кыйынчылыктары тургандыгын белгиленген. Уюмдун кызыкчылыгы үчүн сиздин дароо кызматтан кетүүңүз талап кылынат” деп жазылган.

Мындан тышкары ФИДЕнин орун басары Георгиос Макропулос өзүн спорт уюмунун президенттик кызматына талапкер болгондугун ачыктаган. Уюмдун жетекчисин шайлоо 2018-жылы 3-октябрда өткөрүлөт.

Эсиңиздерге сала кетсек, Эл аралык шахмат федерациясынын (ФИДЕ) президентин шайлоо 2018-жылы октябрь айында Грузиянын Батуми шаарында өткөрүлөт. Кирсан Илюмжинов Эл аралык шахмат федерациясынын (ФИДЕ) 1995-жылдан бери башкарып келатат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!