Путин чемпионатта Орусия жеңээрин айта албады

Путин чемпионатта Орусия жеңээрин айта албады
8-Июнь 2018, Жума, 13:57

Орусия президенти Владимир Путин футбол чемпионатында кайсы командалар фаворит экендигин айтты. Бул тууралуу Путин Кытайдын медиакорпорациясына берген маегинде билдирди. Орусия өлкө башчысынын пикиринде Германия, Испания жана Латын Америка өлкөлөрүнүн курама командалары суурулуп чыгат.

Путин “Латын Америкалык өлкөлөрдөн Аргентина жана Бразилия чыгат. Алар акыркы дүйнө чемпионаттарында абдан мыкты ойношкон. Анан Германия да мыкты, испаниялыктар да жакшы ойношот” деди.

Ал эми Орусиянын курама командасына келгенде Путин акыркы учурдарда орустун футболчулары жакшы ийгиликке жетшпей жатккандыгын белгилеп “ Биз Орусиянын курама командасы татыктуу, заманбап, кызыктуу оюн көргөзөт жана алар акырына чейин күрөшөт деп ишенебиз” деди.

Эсиңиздерге сала кетсек, футбол боюнча дүйнө чемпионаты 2018-жылдын 14-июнунан 15-июлга чейин Орусияда өтөт. Футболчулар Орусиянын 11 ири шаарларында 12 стадионунда ат салышат. Москва шаарында (“Лужник жана “Спартак), Санкт-Петербург (“Санкт-Петербург” стадионунда) Казань (“Казань Арена”), Сочи (“Фишт”), Екатеринбург (“Екатеринбург Арена”), Ростов-на-Дону (“Ростов Арена”), Волгоград (“Волгоград Арена”), Нижний Новгород ( “Нижний Новгород” стадиону).

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!