Филипп Киркоровдун никесиз үч эгиз баласы табылды

Филипп Киркоровдун  никесиз үч  эгиз баласы табылды
10-Ноя. 2018, Ишемби, 13:42

58 жаштагы Светлана Сафиева деген айым коомчулукту өзүнүн айткандары менен элди таң калтырды. Анын айтымында жакынкы арада Филипптин үч эгиз баласы бар экенин ачыкка чыгарат.

Албетте, Филипп Киркоров буга анча ишенген жок, ошентсе да Светлана Сафиева эгиз балдары үчүн Преснен сотуна ырчынын үстүнөн арыз жазып, 200 миң доллар талап кылды.

Светлана Филипп менен 2012-жылы таанышканын айткан. Ошол кезде Светлананын айтымында ырчы экөөнүн ортосунда сүйүү учкундары болуп, экөө мейманканадан жолугушкандан кийин анын боюнда болуп калган. Сафиеванын айтымында анын эгиздерин уурдап кетишиптир. Бул Алла Пугачева менен Максим Галкиндин эгиздери Лиза менен Гарри төрөлгөн учурга дал келет имиш. Ошондон улам Светлана айым ушулар менин балдарым болушу мүмкүн деген сөздү ачык айтпаса да, шектенүүсүн кыйытып айтууда.

Бул окуядан кийин Сафиева Киркоров экөөнүн жеке мамилесин айткан эмес.

“ВКонтакте" соцжелесине ошол кезде Светлана Сафиева кош бойлуулугунан кыйналып жатканын айткан, кыймылдай албай, оозу менен гана кыбырап сүйлөп атканын, ал эми атасы ага жакшы мамиле жасаарын, аны эркек катары жакшы көрөөрүн да жазып чыккан.

StarНit порталынын маалыматына таянсак Светлана Сафиева Орусиядагы ОПГнын лидери Георгий Сафиевдин жесири болуп чыкты. Георгий Сафиевди 2002-жылы АКШдан өлтүрүп кетишкен.

Учурда Светлана чындап эле Филиппке үч эм төрөп бергенби же жөн эле ырчыдан 200 миң доллар өндүрүп алууну көздөп жатабы, иликтенүүдө.


Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!