13 жашында дүйнөлүк рекорд койду (видео)

13 жашында дүйнөлүк рекорд койду (видео)
12-Март 2018, Дүйшөмбү, 13:47

Орусиялык 13 жашындагы спортчу Александра Трусова Софияда өткөн көркөм муз тебүү боюнча өспүрүмдөр арасындагы дүйнөлүк чемпионатта дүйнөлүк рекорд койду. Жаш спортчу төрт ирет бийиктикке секирик жасады. Мындай техникалык программа чоңдор арасында дагы сейрек кездешет. Бул ийгилиги менен Александра Трусова көркөм муз тебүү тарыхында калды. Жыйынтыгында калыстар тобу эң жогорку 225,52 упай беришти. Экинчи орунду орусиялык Алена Косторная 207,39 упай менен күмүш медалды алды, коло медалга жапониялык Мако Ямаситы 195,17 упай менен татыктуу болду.


Болгарияда өткөн өспүрүмдөр арасындагы көркөм муз тебүү боюнча дүйнөлүк чемпионатта орусиялык спортчулар жалпы 12 медалдын 9 утуп алышты.

Эсиңиздерге сала кетсек жаш чемпионду атактуу машыктыруучу Этери Тутберидзе даярдаган. Анын мындан мурунку окуучулары Алина Загитова жана Евгения Медведева Пхенчхан кышкы Олимпиадасында алтын жана күмүш медалга татыктуу болушкан.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР