​Алты жашында атасындай акча табат (видео)

​Алты жашында атасындай акча табат (видео)
12-Апр. 2019, Жума, 14:57

Орусиянын көркөм муз боюнча чемпиону Евгений Плющенконун уулу Александр алты жашында канча киреше табаары белгилүү болду. Бул тууралуу Sports.ru сайты жазууда.

Маалыматка ылайык алты жаштагы спортчу он миллион рублдан ашык киреше табат. Александрдын кирешелери тууралуу спортчунун апасы, продюсер Яна Рудковская айтып берген. Анын айтымында алты жаштагы көркөм муз боюнча спортчунун жарнамалык келишимдери бар. Мындан тышкары ал байма-бай көркөм музтебүү шоуларына катышып турат.

Яна Рудковская “Мен баламдын бул спортко баруусун каалаган эмесмин. Ал өзү эле тандап алды. Бизге уулубузду хоккей же футболго бергиле деп кеңеш беришкен. Спорттун ал түрүндө киреше көп болот. Бирок, Александрдын тандоосу ушул болду” деди

Мындан тышкары алты жаштагы спортчу багуучусу жана айдоочусунун айлыктарын өзү төлөгөнүн, оюнчук жана керектүү нерселерди өзү сатып алаарын кошумчалаган.

Видеону бул жерден көрүүгө болот:https://www.youtube.com/watch?v=ZLVu_N77HaI

Алты жаштагы спортчунун атасы Евгений Плющенко — олимпиаданын эки жолку, дүйнөнүн үч жолку, Европанын жети жолку чемпиону болгон. 2009-жылы продюсер Яна Рудковская менен үйлөнүп, балалуу болушкан.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!