​Футбол падышасы Пеленин өлүмү тууралуу кабар жалган болуп чыкты

​Футбол падышасы Пеленин өлүмү тууралуу кабар жалган болуп чыкты
16-Апр. 2019, Шейшемби, 10:29

Бразилия футбол курама командасы менен дүйнөнүн үч жолку чемпиону болгон Пеленин батыштын ЖМК жазып чыккан өлүм кабары жалган болуп чыкты. Кечээ күнү атактуу футболчунун өлүм кабары коомчулукта катуу таасир калтырган. Бүгүн француз басылмасы бул кабарды жалган деп, мындай маалыматты Twitter социалдык тармагында карасанатай бирөө жарыя кылгандыгын жазып чыгышты.

78 жаштагы легендарлуу футболчу 13-апрелде операция болуп, учурда үйүндө дарылануусун улантууда. Операция Сан-Паулу шаарындагы Альберт Эйнштейн атындагы ооруканада ийгиликтүү жасалган. Эки күндөн кийин футболчу үйүнө чыккан.

Пеле – Эл аралык футбол федерациясынын (ФИФА) версиясы боюнча ХХ кылымдын эң мыкты футболчусу. Ал эми 1999-жылы Эл аралык олимпиада комитети (МОК) бразилиялык оюнчуну кылымдын спортчусу деп атаган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!