Мухаммед Салах башкы машыктыруучу менен уруша кетти

Мухаммед Салах башкы машыктыруучу менен уруша кетти
18-Апр. 2019, Бейшемби, 15:23

Египеттик футболчу, англиялыктардын “Ливерпуль” футбол клубунун жарым коргоочусу Мухаммед Салах башкы машыктыруучу Юрген Клопп менен чатакташа кетти. Бул тууралуу AS агентиги жазып чыкты. Маалыматка ылайык Салах “Ливерпуль” футбол клубунун жетекчилигине бул сезондун аягына чейин командадан кетээрин билдирген.

26 жаштагы египеттик футболчунун “Ливерпулдан ” кетүү себеби башкы машыктыруучу Юрген Клопп менен келишпестиги айтылууда. Бирок, чатакташуунун себептери ачык айтылган жери жок. Алдын-ала маалыматтарга караганда клубдун жетекчилиги атактуу футболчунун алып калууга жана бул көйгөйдү чечүүгө аракет кылат.

Мухаммед Салах “Ливерпуль” командасында 2017-жылдан бери ойноп келатат. Атактуу чабуулчунун келишими 2023-жылга чейин түзүлгөн.

Эсиңиздерге сала кетсек, египеттик атактуу футболчу Англиянын Премьер-лигасынын жылдын мыкты футболчусу аталган. Былтыркы сезондо Салах “Ливерпуль” командасы менен 52 матчка катышып, 44 гол жана 15 натыйжалуу жыйынтык көргөзө алган. Ал эми быйылкы сезондо45 беттешүүгө катышып, 22 гол киргизген. Буга кошумча Европа чемпионатынын эң мыкты футболчуларына бериле турган "Алтын бутса" сыйлыгына татыктуу болгон

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!