​Хабиб: Үч айга бекинип алам!

​Хабиб: Үч айга бекинип алам!
19-Апр. 2019, Жума, 11:04

Жеңил салмактагы UFCнын орусиялык чемпиону Хабиб Нурмагомедов анын атактуулугу спорт менен машыгууга тоскоолдук жаратып жаткандыгын жар салды. Бул тууралуу «Матч ТВ» жазып чыкты. Маалыматка ылайык 30 жаштагы мушкер мелдешке чейин 3 айга баарынан бекинип алгысы келгендигин билдирген.

Хабиб Нурмагомедов “Сөзсүз, баардыгы тоскоол болушууда. Кээде, спорт залына кире албай калам. Эл чогулуп калат. Бири сүрөткө түшүүгө, суроолор жана сунуштар көп айтылат. Ушунчалык алаксытуулар көп болот. Мен болгону машыгууга келем. Акылым башка нерседе болот. Жакында мелдешке чыгам. Бардык дитимди, көңүлүмдү машыгууга арнашым керек. Кээде абдан чарчайм. Жакында баарынан 3 айга бекинип алгым келет” деп айткан.

Эсиңиздерге сала кетсек, орусиялык мушкер Хабиб Нурмагомедов UFCнын эң күчтүү балбандарынын бири. 70 кг чейинки жеңил салмакта күрөшөт. Орусиялык балбандын рекорду 27 мушташта баардыгын жеңүү менен жыйынтыкталган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!