​Көркөм муз тебүү боюнча эң мыктылар аныкталды

​Көркөм муз тебүү боюнча эң мыктылар аныкталды
8-Май 2019, Шаршемби, 10:54

Эл аралык коньки тебүүчүлөр союзу (ISU) 2018-2019-жылдын көркөм муз тебүү боюнча эң мыкты спортчуларды аныктады. Бул тууралуу Vesti.kz сайты жарыялады. Маалыматка ылайык муз үстүндө бийлөөчүлөрдүн рейтингинин сап башында 4510 упай менен орусиялык Алина Загитова турат. Экинчи орунда 3459 упай менен япониялык Сатоко Мияхара, ал эми үчүнчү орунда 3384 упай менен дагы бир орусиялык спортчу Евгения Медведева жайгашкан.

АРАЛАРЫНДА ЭЛИЗАБЕТ ТУРСЫНБАЕВА ДА КИРДИ.

Дүйнөлүк 10 алдыңкы муз үстүндө бийлөөчүлөрдүн катарына кирген казакстандык Элизабет Турсынбаева 3108 балл менен алтынчы орунду ээледи.

Эсиңиздерге сала кетсек, ушул жылдын март айында Жапониянын Сайтама шаарында өткөн көркөм муз тебүү боюнча дүйнөлүк чемпионатта казакстандык 19 жаштагы спортчусу Элизабет Турсынбаева 224,76 упай менен өлкө тарыхында биринчи болуп күмүш медаль алган. Элизабет кыска программаны жогорку деңгээлде аткарып, төрт ирет айлампаны ийгиликтүү аткарган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!