​Хабиб Нурмагомедовдун футболкасы 100 миң долларга сатылды

​Хабиб Нурмагомедовдун футболкасы 100 миң долларга сатылды
20-Сен. 2019, Жума, 12:36

Жеңил салмактагы UFCнын орусиялык чемпиону Хабиб Нурмагомедовдун футболкасы 100 миң долларга сатылды. Андан түшкөн каражат кайрымдуулук иштерине жумшалат. Бул тууралуу MMA Junkie порталы жазууда. Маалыматка ылайык Хабиб Нурмагомедов бул футболкасын америкалык мушкер Дастин Порье менен болгон таймашта кийип чыккан.

7-сентябрда Хабиб Нурмагомедовдун Абу-Даби шаарында UFC 242 турниринде америкалык мушкер Дастин Порье менен футболкаларын алмашкан. Ошондо мушкер футболкасын акционго коюп, андан түшкөн каражатты “The Good Fight Foundation” кайрымдуулук фондуна которо тургандыгын жар салган.

Арадан он күн өтпөй Порье футболка сатылгандыгын жар салды. Акча Уганда өлкөсүндөгү балдар үйү жана мектептин суу тутүктөрүн оңдоого жумшалат. Мындан тышкары Мушкерлердин абсолюттук чемпионаты (UFC) спорттук уюмунун президенти Дэйна Уайт дагы бул фондго 100 миң долар которо тургандыгын айткан.

Эсиңиздерге сала кетсек, орусиялык чемпион Хабиб Нурмагомедовдун 7-сентябрда Абу-Даби шаарында UFC 242 турниринде америкалык мушкер Дастин Порье менен чемпиондук наам үчүн кармашап, муунтуу ыкмасы менен жеңип алган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!