Капчыгайдагы карагайларды кыюу фактысы иликтенет
Премьер-министр Сапар Исаков Ысык-Көлдүн Жууку капчыгайындагы кыйылган карагайлар боюнча текшерүү жүргүзүүнү тиешелүү мекеме жетекчисине тапшырды.
Бул тууралуу өкмөттүн маалымат кызматы билдирди.
Күн мурун социалдык тармакта Тянь-Шань карагайлары кыйылып жатканы тууралуу маалымат сүрөтү менен жарыяланган.
Премьер-министрдин табыштамасына ылайык, Экологиялык жана техникалык коопсуздук боюнча мамлекеттик инспекциясы, Айлана-чөйрөнү коргоо жана токой чарбасы мамлекетик агенттиги жана өкмөттүн Ысык-Көл облусундагы ыйгарым укуктуу өкүлчүлүгү аталган факт боюнча териштирүү иштерин жүргүзөт.
Укук коргоо органдары карагайларды кыйгандар таап, жоопкерчиликке тартышат.
Жууку капчыгайына биосфералык аймак макамы берилген өзгөчө коргоодогу аймак.
