​7 жашар баланы өлкөдөн сыртка алып кетүүгө аракеттенди

Шаххан Мырзабеков

Туулгандыгы тууралуу жасалма күбөлүк менен 7 жаштагы баланы Москвага алып кетүүгө аракет кылган жаран кармалды. Бул тууралуу Мамлекеттик чек ара кызматынан кабарлашты.

Маалыматка ылайык, 21-декабрда Ош-Москва каттамын түзүү учурунда чек ара кызматкерлери жасалма күбөлүк менен 7 жаштагы кызды өлкөдөн алып чыгууга аракет кылган 55 жаштагы кыргыз жаранын кармаган.

Кармалган аялдын айтымына караганда, документтер жоголуп кеткендигине байланыштуу жасалма күбөлүк жасаткан.

Учурда кармалган жаран УКМКнын кызматкерлерине өткөрүлүп берилген.