Казакстанда ысык 45 градуска жетет

Мээрим Искакова

Ирандын ысык абасы Казакстанга 45 градуска чейинки ысыкты алып келерин “Казгидромет” кызматынын билдирүүснө таянып “Tengrinews.kz” маалымат кызматы жазган.

“Жакынкы үч суткада Казакстандын батыш, түштүк жана түштүк-чыгыш райондоруна кургак жана ысык аба ырайы болот. Күндүз температура 33-39 градус, айрым жерлерде 40-45 градуска чейин жетет”,-деген синоптиктер билдирүүдө.

Казакстандын беш областына буга чейин аптаптуу аба ырайы тууралуу эскертүү берилген. Анда 28-29-июлда күндүз Батыш-Казакстан, Атырау, Мангистау, ал эми 29-30-июлда Костанай жана Актөбө областтарында күндүн ысыгы 40-43 градуска жетери маалымдалган.