​Үч эмдин ата-энесине жардам көрсөтүлдү

Кубанычбек Жусупбеков

Биринчи май райондук администрациясынын башчысы Аскербек Алиев үч эмди жарык дүйнөгө алып келишкен Кошириновдордун үй-бүлөсүнөн кабар алды. Бул тууралуу бүгүн, 14-июлда мэриянын маалымат кызматынан билдиришти.

Маалыматка ылайык, Алиев үч эмге бекем ден соолук, бакыт каалады. Ал үч эмдин ата-энесине белектерди жана бир жолу берилүүчү материалдык колдоо иретинде 90 миң сом акчалай жардам көрсөттү.

Үч эмдер Алена, Алексей жана Сергей алар ушул жылдын 22-май күнү жарык дүйнөгө келишкен эле.