Ошто "Түштүк Expo-2017" көргөзмө-жарманкеси ачылды

Назгүл Бостонбаева

Бүгүн, 12-сентябрдан баштап 15-сентябрга чейин Ош шаарында "Түштүк Expo-2017" көргөзмө-жарманкеси өтөт.

Ош шаарынын мэриясынын маалымат кызматы билдиргендей, үч күн бою боло турган көргөзмө-жарманкеге Кытай, Өзбекстан, Тажикстан, Казакстан, Малайзия, Россия жана башка мамлекеттерден компаниялардын өкүлдөрү катышып, өз продукциясын элге тартуулайт.

Көргөзмө-жарманкеге тамак-аш продуктылары, кийим-кече сыяктуу күнүмдүк керектелүүчү буюмдар коюлат. Иш-чарага келген кардарларга туризм, маалыматтык технологиялар, банктык тейлөө өңдүү кызматтар тууралуу маалымат берилип жатат.