Эл аралык резерв 6,65 млн. долларга көбөйдү

Бекхан Асанов

Кыргызстандын эл аралык резерви бир айдын ичинде 6,65 млн. долларга көбөйгөн. Бул тууралуу Улуттук банк билдирди.

Маалыматка ылайык, апрель айынын жыйынтыгы менен өлкөнүн эл аралык резервинин көлөмү 1 млрд. 984, 84 млн. долларды түздү. Ал эми жыл башынан бери 15,17 млн. долларга өскөн.

Белгилей кетсек, Кыргызстандын эл аралык резервинин эң жогорку көрсөткүчү 2016 -жылдын август айында 2 млрд. 25,73 млн доллар өлчөмүндө болгон. Ал эми өткөн жылдын (октябрь) эң төмөнкү көрсөткүчү 1 млрд. 944, 03 млн. долларды түзгөн.