Президент оорукананын курулушуна каражат бөлдү

Назгүл Бостонбаева

Президент Алмазбек Атамбаев Чүй облусунун Ысык-Ата районунун Ивановка айылындагы Ысык-Ата аймактык ооруканасынын имаратынын оңдоо иштери үчүн каражат бөлдү.

Мамлекет башчынын маалымат кызматы билдиргендей, өлкө башчысы тиешелүү буйрукка кол койгон.

Ага ылайык, өкмөткө караштуу архитектура, курулуш жана турак жай-коммуналдык чарба мамлекеттик агенттигинин алдындагы турак жай-жарандык курулуш департаментинин Чүй облустук капиталдык курулуш башкармалыгына каржылык колдоо көрсөтүү үчүн алты миллион сом бөлүндү.