23-июнь: температура +40 градуска жакындап калды
Бүгүн, 23-июнда түнкүсүн жаан-чачын болбойт, күндүз Чүй, Талас, Баткен, Ош, Жалал-Абад облустарынын кээ бир райондорунда жаан жаап, күн күркүрөшү, бийик тоолордо кар жаашы күтүлөт. Ысык-Көл, Нарын облустарында жаан-чачын күтүлбөйт. Бул тууралуу Кыргызгидромет кызматы билдирди.
Абанын температурасы:
Чүй өрөөнүндө түнкүсүн +17...+22, күндүз +32...+37;
Талас аймагында түнкүсүн +14...+19, күндүз +31...+36;
Ош, Жалал-Абад облустарында түнкүсүн +18...+23, күндүз +32...+37;
Баткен аймагында түнкүсүн +15...+20, күндүз +33...+38
Ысык-Көл жергесинде түнкүсүн +13...+18, күндүз +22...+27;
Нарын облусунда түнкүсүн +7...+12, күндүз +25...+30;
Бишкек шаарында түнкүсүн жана күндүн биринчи жарымында жаан-чачын жаабайт, күндүн экинчи жарымында өткүн өтүп, күн күркүрөшү күтүлөт. Батыштан соккон шамалдын ылдамдыгы секундасына 4-9 метрге жетет. Абанын температурасы түнкүсүн +20...+22, күндүз +34...+36 градус ысык болот.
Ал эми 24-25 июнда көпчүлүк аймактарда жаан жаап, күн күркүрөшү, бийик тоолордо кар жаашы, айрым жерлерде жаан-чачын катуу жаашы күтүлөт. Батыштан соккон шамалдын ылдамдыгы секундасына 4-9 метрден, айрым жерлерде 17-22 метрге жетет.