zaman_logo

Учурда:

    ИИМдин алдында 6 кызмат түзүлдү

    4-Авг. 2017, Жума
    A
    A

    Ички иштер министрлигинде 6 өз алдынча кызмат түзүлдү. Бул тууралуу аталган ведомстводон билдиришти.

    Маалыматка ылайык, президенти Алмазбек Атамбаевдин 2016-жылдын 18-июлундагы № 161 “Кыргыз Республикасынын укук коргоо тутумун реформалоо чаралары тууралуу” жарлыгын, Кыргыз Өкмөтүнүн 2013-жылдын 30-апрелиндеги №220 “Ички иштер органдарын реформалоо чаралары тууралуу” токтомун аткаруу жана жарандардын укугун, эркиндигин мыйзам чегинде камсыздоо, коомдук тартипти сактоо жана кылмыштуулукка каршы күрөштү күчөтүү максатында түзүлдү.

    1. Криминалдык милиция кызматы;

    2. Баңгизаттарын мыйзамсыз жүгүртүүгө каршы күрөшүү кызматы;

    3. Ички иликтөө кызматы;

    4. Тергөө кызматы;

    5. Экстремизмге каршы күрөшүү жана мыйзамсыз миграция боюнча кызматы;

    6. Коомдук коопсуздук кызматы.

    Аталган кызматтардын башчылары болуп төмөнкү кызматкерлер дайындалды:

    Криминалдык милиция кызматынын башчысы-милициянын полковниги Болпонов Нурмат Жумабекович;

    Баңгизаттарын мыйзамсыз жүгүртүүгө каршы күрөшүү кызматынын башчысы-милициянын полковниги Араев Азамат Муратович;

    Ички иликтөө кызматынын башчысы-милициянын полковниги Кочербаев Скандарбек Анатольевич;

    Тергөө кызматынын башчысы-милициянын полковниги Үмөталиев Талантбек Жедигерович;

    Экстремизмге каршы күрөшүү жана мыйзамсыз миграция боюнча кызматынын башчысы-милициянын полковниги Бийбосунов Улан Мелсович;

    Коомдук коопсуздук кызматынын башчысы-милициянын полковниги Асаналиев Сапарбек Тилекович

    Тегдер:
    Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
    Категориялар