Дүйнөнүн эң кымбат бренддери

Фарида Жумакадырова

“Interbrand” консалтингтик агенттиги дүйнөдөгү эң кымбат бренддердин тизмегин жарыялады. Рейтингдин көч башында “Apple” компаниясы 184 млрд доллардан ашык турат.

Экинчи орунда – “Google” компаниясы.

“Interbrand” агенттигинин эсептөөсү боюнча, компания чамасы менен 142 млрд долларга бааланды. Дүйнөнүн эң кымбат бренддеринин үчилтигин 80 млрд доллар турган “Microsoft” түзөт.

Эң кымбат бренддердин бештигине ошондой эле “Coca-Cola” (69,73 млрд доллар) менен “Amazon” (64,8 млрд доллар) кирди.

Рейтингди аныктоо учурунда кем дегенде үч материкте бизнесин жүргүзгөн жана кирешенин үчтөн бири чет өлкөдө ишке ашкан операциялардан түшкөн компаниялар эске алынган.