Ар нерсенин өз маалы жакшы демекчи, тамак-аштардын пайдалуулугун сиңирип алуу үчүн өз убактысы менен  тамактанса жакшы. Биздин күнүмдүк рациондо көп колдонулган эт, жашылча-жемиштер, быштак жана башка азыктарды кайсы маалда жесек көбүрөөк пайдалуу болоору туурасында кеп кеңештерди сунуштамакчыбыз.

Кара шоколад

Эртең менен- организмге керектүү делген антиоксиданттар менен камсыз болуп, картаюну жайлатып, жүрөктүн согушун нормалдаштырат.
Кечкисин- бир күндө 25г ашык кара шоколадды жеп алса организмге ашыкча май топтолот.

Эт

Күндүз- эттин курамы темирге бай болгонудуктан, ал клеткаларды аба менен камсыз кылат. Ошону менен ал түрдүү ооруларга бөгөт коюп, чарчоодон арылтат.
Кечкисин- этти сиңирүү үчүн организмге 5 сааттай убакыт кетет. Кечкисин жеп алуу менен ашказан, ичеги карынга терс таасир тийгизесиз.

Жаңгак

Кечки түштөнүү маалында- 30 грамм куурулбаган бир ууч жер жаңгак жакшы сиңип, организмге керектүү делген Омега-3 кислотасы менен толуктайт. Ал кан тамырлардын тонуста болуусун жана бронханын жакшы иштөөсүн, кан басымдын нормалдашуусуна жардам берет.
Кечкисин-Ашыкча салмак кошуу коркунуу келип чыгат.

Апельсин

Түшкү тамактан кийин- ашказан ичеги органдарынын активдүү иштөөсүн, зат алмашуу процессин тездетет.
Таң эрте-ойгоноор замат ачкарын апельсин жеп алуу аллергияга, ашказандын кычкылдануусуна жана ошондой эле гастриттин пайда болуусуна алып келет.

Гречка

Түшкү тамак-Курамы татаал микроэлементтерге бай болгондуктан, организм аларды сиңирүү үчүн кошумча күч жумшайт, жыйынтыгында ашыкча салмактан арылууга жол ачат. 
Кечкисин- ашказандын сиңирүү системасы жай иштей баштайт. Ошондуктан организм күчтүү тамакты сиңирүүгө жетишпей калат.

Кесме

Түшкү тамактануу убактысы- кесме бул буудайдан жасалгандыктан, курамында клетчатка көп кездешет. Ал организмди токсиндер жана уулуу заттардан тазалайт. Ошону менен бирге аз өлчөмдөгү гликемикалык индекс (40) диабет оорусун пайда болуусун алдын алат. 
Кечкисин- кесмелер эт менен кошумча тамак(гарнир)катары берилгендиктен, кечки аштын майлуулугун арттырат. Ошого байланыштуу азыраак колориялуу жана сиңимдүү тамактарга орун берген оң.

Кабачки

Кечки маалда- түшкүсүн канчалык күчтүү тамактансаңыз да клетчаткага бай болгондуктан ичеги карынды жакшы тазалайт.
Эртең менен- таң эрте организм сууга муктаж болот. Ал эми кабачок заара чыгаруучу касиетке ээ болгондуктан, эртең менен жесеңиз суусатып, организмдин кургоосуна алып келет.

Помидор

Эртең мененкисин- помидордун курамындагы органикалык кычкылтек тамак сиңирүүдө активдүү иштейт, ашказан жана ичеги карындын иштөөсүн тездетет. 
Кечинде- анын курамындагы щавель кычкылтеги суу жана туз алмашуу процессине терс таасир тийгизет. Ошону менен бирге шишиктин пайда болуусуна алып келиши мүмкүн.

Картошка 

Эртең менен- картошка крахмалы кандын курамындагы "терс" холестириндердин пайда болушуна бөгөт коет. Картошканын өзү организмге колдоо көрсөткөн минералдарга бай. 
Түштөн кийинки убакта-башка жашылча жемиштерге караганда, картошканын каллориясы 2-3 эсе көп, ошондуктан түшкү тамактан кийин аны менен тамактанбаган оң. 

Банан

Түшкү маалда- зарна болуудан сактоочу, сиңирүүнү жакшыртуучу көптөгөн булалардан турат.
Кечкисин- банан кечки тамактанууда былжырдын пайда болушуна алып келип, ашказандын сиңирүү системасын бузат.

Быштак

Кечкисин-сиңирүү системасына жагымдуулук тартуулайт.
Эртең менен- айрыкча көп сасык тумоолоп калгандарга сунушталбайт, себеби былжырдын пайда болушуна алып келет.

Алма 

Эртең менен-алманын кабындагы көп сандагы пектиндин болуусу ичеги карындын ишөөсүнө тоскоолдук жаратып, канцерогендерди жок кылат. 
Кечкисин -ашказанды кыжылдатып, жагымсыздык алып келет. Ошону менен бирге эле кечки убакытта пектинди сиңирүү кыйын болот.

Сыр

Таңга маал- аз мерчемде колдонуу менен ичтин көбүүсүнөн жана ашыкча салмак кошуудан сактайт. 
Кечкисин- сиңирүү оор болгондуктан ичеги карындын жабыркап калуу коркунучу туулат.

Кант

Эртең менен-колдонулган кантты ээритүү оңой болот. 
Кечкисин- кант сиңирүү системасынын иштөөсүн бузат, уйку качып, фигуранын бузулушуна алып келет.

Күрүч

Түшкү тамактанууда-күрүчтүн курамындагы жогорку карбонгидрат бүтүндөй күн бою энергия тартуулайт. 
Кечкисин- ашыкча салмак кошот.

Фарида Жумакадырова