План 700 миң долларга сатылды

Мээрим Искакова

Уолт Дисней жана сүрөтчү Херб Райман тарабынан колго тартылган “Диснейленд” паркынын картасы АКШда аукциондо 708 миң долларга сатылды. Көңүл ачуучу жайдын план картасы 1953-жылы сентябрда кагазга түшүрүлгөн. Картага дүйнөгө белгилүү парктын кызыктуу жерлери тартылган.

Бул тууралуу “Reuters” агенттигине “Van Eaton” галереясынан кабарлашкан.

Ал мезгилде курула элек парктын сүрөтү 1953-жылы инвесторлого көрсөтүү үчүн даярдалган.

Белгилүү мультипликатор өзнүнү кыялындагы долбоорду ишке ашыруу үчүн каржылык жардам алууну каалаган. 1955-жылы ойлору ишке ашып, Калифорниянын түшүтүгүндөгү Анахайм шаарында “Диснейленд” өзнүнү алгачкы көрүүчүлөрүнө эшик ачкан.

Уолт Диснейди эскерүүгө арналган аукционго мультипликатор жана көңүл ачуучу паркка тиешелүү 1 миңге жакын буюмдар коюлган.