21 жаштагы жаран уурулукка шектелип кармалды

Шаххан Мырзабеков

Бишкек шаарынын 21 жаштагы тургуну уурулукка шектелүүдө. Бул тууралуу Бишкек шаардык Ички иштер башкы башкармалыгынан билдиришти.

Маалыматка караганда, милицияга Бишкек шаарынын жараны арыз менен кайрылып, 19-август күнү болжол менен саат 19:30 чамасында кичи райондордун биринде жайгашкан үйдүн подъездинен баасы 15 миң сом турган велосипеддин белгисиз жаран уурдап кеткенин билдирген.

Милиция кызматкерлери тарбынан жүргүзүлгөн ыкчам-иликтөө ишинин натыйжасында С.С. аттуу Бишкек шаарынын жашоочусу кармалган.

Жогорудагы фактыга ылайык Кылмыш-жаза кодексинин “уурулук” беренсинин негизинде кылмыш иши козголгон. Кармалган жаран убактылуу кармоочу жайга жеткизилип, тергөө амалдары жүрүп жатат.