​Бюджетке баалуу кагаздардан 11,2 млрд. сом түшкөн

Бекхан Асанов

Жыл башынан бери бюджетке мамлекеттик баалуу кагаздардан 11,2 млрд. сом түшкөн. Бул тууралуу Каржы министрлиги кабарлады.

Маалыматка ылайык, баалуу кагаздардын ичинен эң баалуусу мамлекеттик казналык облигациялар болду. Аталган облигациядан 7 млрд. 614,57 млн. сом киреше кирген. Анын ичинен эки жылдык мамлекеттик казналык облигациядан 2,4 млрд. сом. үч жылдык облигациядан 1,4 млрд. сом, беш жылдыктан 1,9 млрд. 7 жылдыктан 1,78 млрд. сом казынага түшкөн.

Ал эми мамлекеттик казналык векселден 3,6 млрд. сом пайда көрүлдү.