Кыргызстанда инвестиция тууралуу жаңы мыйзам кабыл алынат

Кыргызстанда инвестиция тууралуу мыйзамдын жаңы редакциясы Киргизилип, Улуттук инвестиция агенттиги аны коомдук талкууга чыгарды, деп билдирет 24.kg .

Бул мыйзам долбоорунун максаты-жыл сайын реалдуу экономикалык өсүштү 5 % деңгээлинде камсыз кылуу, калктын жан башына ИДПга 1,5 миң доллардан кем эмес жетишүү, жумушсуздукту 5 % га чейин төмөндөтүү жана жыл сайын ИДПга карата 13 % дан кем эмес тике чет өлкөлүк инвестициялардын агымын камсыз кылуу.

Документке карата аргументте Кыргызстандын учурдагы инвестициялык мыйзамдары алдыңкы эл аралык практикага шайкеш келүү үчүн концептуалдык жана системалуу өзгөртүүлөрдү талап кылаары белгиленген. Ошондуктан жаңы редакциянын долбоору сунушталды, ал түз инвестициялардагы инвесторлордун укуктарын жөнгө салууну, мамлекеттин инвестициялык саясатынын принциптерин белгилөөнү, инвесторлордун укуктарын жана кепилдиктерин бекемдөөнү, ошондой эле алардын кызыкчылыктарын коргоо механизмдерин киргизүүнү болжолдойт.

Долбоор инвесторлорго компанияны түзүүдө, башкарууда жана ишин токтотууда эркиндикти камсыз кылуу менен, ошондой эле республиканын аймагында мыйзамдарга каршы келбеген ишмердиктин ар кандай түрлөрүнө каражаттарды салуу менен, инвестицияларды жана бизнести башкаруу эркиндигин карайт.

Бирдей шарттарды камсыз кылуу үчүн чет өлкөлүк жана улуттук инвесторлорго чет өлкөлүк инвесторлорго улуттук режимге укук берүү сунушталууда. Ошондой эле экспроприация учурунда инвесторлордун укуктары жазылат, мында Жогорку Кеңеш инвестициялардын рыноктук наркын милдеттүү түрдө кайтарып берүү менен экспроприация жөнүндө чечим кабыл алары так аныкталган. Мыйзам долбоору мүлктүн рыноктук наркын, келтирилген зыянды жана алынбай калган пайданы кошо алганда, инвесторго компенсацияны эсептөөнүн ыкмасын белгилейт.

Мыйзамдын текстинде банкроттук, кредиторлордун укуктарын коргоо жана башка ченемдер менен байланышкан чектөөлөрдү эске алуу менен инвесторлордун кирешелерин эркин пайдаланууга, конвертациялоого жана каражаттарды чет өлкөгө которууга укуктары каралган. Ошондой эле инвесторлорго алардын кызыкчылыктарына тиешеси бар ченемдик актыларды жана соттордун чечимдерин кошуп алганда расмий маалыматтарга жетүү укугу берилет.

Мыйзамда даттанууларды жана инвестициялык талаш-тартыштарды чечүү механизми каралган, ошондой эле мамлекеттик жана ж