Мал өстүрүүчүлөр 2,6 млрд. сом насыя алган

Бекхан Асанов

Үстүбүздөгү жылдын биринчи жарым жылдыгында фермерлерге 4,1 млрд.сом жеңилдетилген насыя берилген. Бул тууралуу Каржы министрлиги билдирди.

Маалыматка караганда, 2017жылдын июль айына карата “Айыл чарбасын каржылоо- 5” долбоорунун алкагында айыл чарба продукцияларын өндүрүүчүлөргө 4 млрд. 102,5 млн. сом өлчөмүндө 9 миң 460 жеңилдетилген насыя берилген.

Насыянын басымдуу бөлүгүн 64 пайызын же 2 млрд. 618 млн сомун мал өстүрүүчүлөр алган. Дыйканчылыкка 719,58 млн. сомго каржыланган, ал эми кайра иштетүү тармагына 764.57 млн. сому багытталган.

Аймактар боюнча көрсөткүчтөр;

Чүй областы 1 млрд. 335.55 млн. сом

Жалал-Абад 720.39 млн.

Ош 573 млн.

Ысык-Көл 484.73 млн.

Нарын 384.78 млн.

Талас 368.11 млн.

Баткен 235.85 млн.